ABŞ-da koronavirusa yoluxanların sayı 27 milyonu ötüb

ABŞ-da son sutka ərzində 86 928 nəfər koronavirusa yoluxub, 1 268 COVID-19 xəstəsi ölüb.

“Report” “RİA Novosti”yə istinadən xəbər verir ki, bu barədə federal və yerli hakimiyyət orqanlarının, habelə medianın və digər açıq mənbələrin məlumatlarını ümumiləşdirən Cons Hopkins Universiteti məlumat yayıb.

Bildirilib ki, bununla ölkədə koronavirusa yoluxma hallarının sayı 27 milyonu keçərək 27 008 096-ya çatıb, ölənlərin sayı isə 463 482 nəfərə bərabərdir.

ABŞ yanvarın 30-da 26 milyon yoluxma göstəricisini aşmışdı.