Azərbaycan Türkiyədən zeytun və zeytun yağının idxalına çəkdiyi xərci iyulda 3 dəfəyə yaxın artırıb

Bu ilin yanvar-iyul aylarında Azərbaycan Türkiyədən 2,406 milyon ABŞ dolları dəyərində zeytun və zeytun yağı idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrü ilə müqayisədə 51,2 % çoxdur.

Təkcə iyulda isə Türkiyə Azərbaycana 537 min ABŞ dolları dəyərində zeytun və zeytun yağı ixrac edib ki, bu da 1 il əvvələ nisbətən 2,5 dəfə çoxdur.

7 ayda Türkiyənin zeytun və zeytun yağı ixracının ümumi dəyəri illik müqayisədə 36,7 % azalaraq 313 milyon ABŞ dollarına, iyulda isə 23,8 % azalaraq 46 milyon ABŞ dollarına düşüb.