Azərbaycan bu il Gürcüstanın əsas sement tədarükçüsü olub

Bu ilin yanvar-oktyabr aylarında Gürcüstanın idxal etdiyi sementin həcmi illik müqayisədə 8 % artaraq 615 min ton təşkil edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, idxalın 296 min tonu və yaxud 48 %-i Azərbaycanın payına düşüb. Bu göstərici ilə Azərbaycan hesabat dövründə qonşu ölkənin bir nömrəli sement tədarükçüsü olub.

Azərbaycandan sonra Gürcüstanın əsas sement idxalçıları 291 min tonla Türkiyə və 273 min tonla İran olub.