Tayvan nümayəndəsi: Zəngəzur dəhlizi ilə dünyaya böyük çıxış imkanları olacaq

Zəngəzur dəhlizi ilə dünyaya böyük çıxış imkanları olacaq.

Bu fikirləri "Report"un Türkiyə bürosuna Tayvan (Çin Respublikası) İqtisadi-Mədəni Missiyasının Ankara nümayəndəsi Çih-Yang Huanq deyib.

Tayvan nümayəndəsi Çindən başlayıb Avropaya qədər davam edən Böyük İpək Yolunun bir hissəsi olan Zəngəzur dəhlizini "beynəlxalq nəqliyyat yolunun inkişafına töhfə verəcək vacib layihə" adlandırıb:

"Bu yolun stabil şəkildə fəaliyyətə başlaması Azərbaycan ilə Ermənistan arasında sülh müqaviləsinin imzalanmasından sonra olacaq. Bu sahədə bir sıra təcrübələr var. Ümid edirəm ki, bu da addım-addım, mərhələli şəkildə fəaliyyətə başlaya bilər. İlk mərhələdə dəmir yolu işə düşər, sonra isə təbii ki, böyük nəqliyyat yolunun vacib bəndinə çevrilər".