QDİƏT PA-nın baş katibi Gürcüstanın vitse-spikerini təltif edib

Qara Dəniz İqtisadi Əməkdaşlıq Təşkilatının (QDİƏT) Parlament Assambleyasının Baş katibi Asəf Hacıyev Gürcüstan parlamentinin keçmiş sədri, hazırkı vitse-spiker Arçil Talakvadzeni fəxri medalla təltif edib.

“Report”un yerli bürosu xəbər verir ki, bu barədə Gürcüstan parlamentinin Mətbuat xidmətindən bildirilib.

A.Talakvadze bu mükafata QDİƏT PA-nın fəaliyyətinə verdiyi töhfəyə görə layiq görülüb.

Məlumatda qeyd olunub ki, Baş katib Gürcüstana etdiyi səfər çərçivəsində parlament çoxluğu və müxalifət nümayəndələri ilə görüşlər keçirəcək.