Prezident İlham Əliyevin Türkiyəyə səfəri başlayıb

Bakı. 12 iyun. REPORT.AZ/ Bu gün Azərbaycan Prezidenti İlham Əliyevin Türkiyəyə səfəri başlayıb. 

“Report” xəbər verir ki, Əskişəhər şəhərinin Hasan Polatkan hava limanında dövlət başçısını Türkiyənin meşə və su məsələləri naziri Veysəl Əroğlu və digər rəsmi şəxslər qarşılayıblar. 

Azərbaycan Prezidenti Anadolu Təbii Qaz Kəmərinin (TANAP) açılış mərasimində iştirak edəcək.

Mərasim Türkiyənin Əskişehir şəhərində keçiriləcək.

Açılışda Türkiyə Prezidenti Rəcəb Tayyib Ərdoğan və bir neçə ölkənin nazirləri də iştirak edəcək.