Gürcüstan parlamentində Azərbaycanla dostluq qrupu formalaşdırılır

Gürcüstanın X çağırış parlamentində Azərbaycanla dostluq qrupunun formalaşdırılması ilə bağlı məsləhətləşmələr başa çatdırılıb.

“Report”un yerli bürosu xəbər verir ki, qanunverici orqanın bu həftə keçiriləcək plenar iclasında dostluq qrupları barədə qərar layihəsi müzakirəyə çıxarılacaq.

Azərbaycanla dostluq qrupunun tərkibi və rəhbəri müzakirələr zamanı müəyyən ediləcək.

Spiker Arçil Talakvadze bildirib ki, tərəfdaş ölkələrin qanunverici orqanları Gürcüstan parlamenti ilə fəal əməkdaşlığa hazırdırlar. Onun sözlərinə görə, dostluq qruplarının konkret fəaliyyət planlarının olması böyük əhəmiyyət kəsb edir.

Qeyd edək ki, əvvəlki parlamentdə 62 deputatın təmsil olunduğu Azərbaycanla dostluq qrupuna vitse-spiker Kaxaber Kuçava rəhbərlik edib.