Ekspert: ABŞ TRİPP layihəsi ilə Cənubi Qafqazda öz yerini tutacaq

ABŞ TRİPP layihəsi ilə Cənubi Qafqaz regionunda öz yerini tutacaq.

"Report" xəbər verir ki, bunu Cənubi Qafqaz Araşdırmalar Mərkəzinin sədri Farhad Məmmədov Bakıda keçirilən Azərbaycan-ABŞ Beyin Mərkəzlərinin Birinci Forumu çərçivəsində "Vaşinqton sammitinin qiymətləndirilməsi: ABŞ-Azərbaycan münasibətlərinə təsirləri" sessiyasında deyib.

Onun sözlərinə görə, Azərbaycanın Yaxın Şərqdə oynayacağı yeni rol ABŞ-nin maraqları ilə üst-üstə düşür:

"Azərbaycan Ermənistanla münaqişə zamanı balanslı siyasəti təbliğ edirdi. Hazırda yeni regional reallıqlar yaranmaqdadır və geosiyasi rəqabət fonunda ABŞ Azərbaycan üçün önəmli strateji tərəfdaşdır".

F.Məmmədov əlavə edib ki, mövcud reallıqda ABŞ-dəki Ermənistan lobbi qruplarının faliyyəti Cənubi Qafqazda sülhün təmin edilməsinə maneə yarada bilər:

"Bu, sülh prosesinə birbaşa zərər vurduğu kimi, ABŞ-nin Cənubi Qafqazla bağlı siyasətinə də ziyan verir".