Ceyhun Bayramov Vatikanın dövlət katibini münaqişədən sonra regiondakı inkişaflar barədə məlumatlandırıb - YENİLƏNİB

Azərbaycanın xarici işlər naziri Ceyhun Bayramov Vatikana rəsmi səfəri çərçivəsində Müqəddəs Taxt-Tacın dövlət katibi kardinal Pietro Parolin ilə görüşüb.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Görüşdə Azərbaycan Respublikası ilə Müqəddəs Taxt-Tacarasında ikitərəfli münasibətlərin mövcud gündəliyi, habelə qarşılıqlı maraq doğuran regional və beynəlxalq məsələlər müzakirə olunub.

Azərbaycanın Müqəddəs Taxt-Tac ilə münasibətlərin inkişafına böyük əhəmiyyət verdiyi diqqətə çatdırılıb, son zamanlar Azərbaycandan Müqəddəs Taxt-Taca baş tutan çoxsaylı yüksək səviyyəli səfərlərin bunun bariz nümunəsi olduğu bildirilib.

Bu çərçivədə, Azərbaycanın Birinci vitse-prezidenti Mehriban Əliyevanın Müqəddəs Taxt-Taca cari ilin oktyabr ayında həyata keçirilmiş səfərinin əlaqələrimizin qarşılıqlı anlaşma və ortaq dəyərlər əsasında daha da möhkəmlənməsinə təkan verdiyi vurğulanıb. Mehriban Əliyevanın təşəbbüsü və Heydər Əliyev Fondunun dəstəyi ilə Müqəddəs Taxt-Tacda həyata keçirilən mühafizə və bərpa layihələrinin humanitar sahədə əməkdaşlığımız üçün körpü rolunu oynadığı qeyd edilib.

Azərbaycan ərazisində yaşayan bütün etnik və dini icmaların hüquq və təhlükəsizliyinin təmin edildiyi bildirilib, ölkəmizin çoxəsrlik multikulturalizm və tolerantlıq ənənələrindən danışılıb.

Dini etiqadların universal insani dəyərlər və qlobal həmrəyliyin təşviqindəki mühüm roluna toxunulub, bu çərçivədə, dinlərarası dialoqun daha da dərinləşdirilməsinin, eləcə də mədəni-humanitar sahədə müştərək layihələrin təşviqinin həm ikitərəfli, həm də çoxtərəfli formatlarda dostluq və anlaşma əlaqələrinin gücləndirilməsinə töhfə verdiyi ifadə olunub.

Nazir görüş zamanı qarşı tərəfə Azərbaycan-Ermənistan normallaşma prosesi, tarixi Vaşinqton Zirvəsi zamanı əldə edilmiş razılaşmalar və onların icrası istiqamətində həyata keçirilən əməli tədbirlər, münaqişədən sonra regionumuzdakı inkişaflar barədə ətraflı məlumat verib.

Görüşdə həmçinin qarşılıqlı maraq doğuran digər məsələlər ətrafında fikir mübadiləsi aparılıb.

16:01

Azərbaycan Respublikasının xarici işlər naziri Ceyhun Bayramov Vatikana rəsmi səfəri çərçivəsində Müqəddəs Taxt-Tacın dövlət katibi, kardinal Pietro Parolin ilə görüşüb.

"Report" xəbər verir ki, bu barədə Azərbaycan Xarici İşlər Nazirliyi (XİN) məlumat yayıb.

Bildirilib ki, görüş zamanı tərəflər Azərbaycan-Vatikan münasibətlərinin mövcud vəziyyəti və gələcək inkişaf perspektivləri, həmçinin qarşılıqlı maraq doğuran regional və qlobal məsələləri müzakirə ediblər.

Azərbaycanın Müqəddəs Taxt-Tac ilə əlaqələrin inkişafına verdiyi böyük əhəmiyyət vurğulanıb, son dövrlərdə həyata keçirilmiş yüksək səviyyəli səfərlərin qarşılıqlı anlayışın gücləndirilməsində əsas rol oynadığı qeyd edilib.

Heydər Əliyev Fondunun dəstəyi ilə həyata keçirilən bərpa və qoruma layihələrinin mümkün etdiyi humanitar əməkdaşlıq xüsusi olaraq diqqətə çatdırılıb.

Azərbaycanın multikulturalizm ənənələri, ərazilərindəki xristian abidələri də daxil olmaqla dini irsin qorunmasına dair uzunmüddətli səyləri vurğulanıb.

Nazir Ceyhun Bayramov qarşı tərəfə Azərbaycan–Ermənistan normallaşma prosesi, Vaşinqton sammitində əldə olunmuş tarixi razılaşmalar və onların icrası, həmçinin post-münaqişə dövrünün regional inkişafı və işğaldan azad olunmuş ərazilərdə aparılan bərpa-quruculuq işləri barədə məlumat verib.

In the framework of his official visit to the Vatican, Minister of Foreign Affairs @Bayramov_Jeyhun of the Republic of Azerbaijan🇦🇿 met with Cardinal Pietro Parolin, Secretary of State of the Holy See🇻🇦.

During the meeting, the sides discussed the current state and future… pic.twitter.com/Bg0vcbCJfu

— MFA Azerbaijan 🇦🇿 (@AzerbaijanMFA) November 25, 2025