BMTM nümayəndəsi: Dayanıqlı inkişaf üçün yalnız bərpaolunan enerji zonalarının yaradılması kifayət etmir

Dayanıqlı inkişaf üçün təkcə bərpaolunan enerji zonaların yaradılması kifayət etmir, ümumilikdə "yaşıl enerji" konsepti inkişaf etdirilməlidir.

"Report" xəbər verir ki, bunu Beynəlxalq Münasibətlərin Təhlili Mərkəzinin (BMTM) şöbə müdiri Şahmar Hacıyev Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Beyin Mərkəzləri Forumunun on üçüncü sessiyasında deyib. 

Onun sözlərinə görə, Qarabağda bərpaolunan enerjinin böyük potensialı var:

"Kəlbəcərdə, Laçında su, Qubadlıda günəş enerjisi potensialı yüksəkdir. Yaşıl keçid və dayanıqlı inkişaf üçün beynəlxalq əməkdaşlıq çox önəmlidir. "Masdar", "BP", "Acwa Power" şirkətləri bu məsələdə böyük rol oynayırlar".