BMT-də insanlıq əleyhinə cinayətlərlə bağlı Azərbaycanın bəyanatı səsləndirilib

BMT Baş Assambleyasının 80-ci sessiyası çərçivəsində "İnsanlıq əleyhinə cinayətlər" mövzusunda keçirilən komitə iclasında Azərbaycanın bəyanatı səsləndirilib.

"Report" xəbər verir ki, bəyanatı Azərbaycanın BMT yanında Daimi Nümayəndəliyinin birinci katibi Tale Əliyev diqqətə çatdırıb.

Azərbaycanın Cinayət Məcəlləsinə insanlıq əleyhinə cinayətləri və müharibə cinayətlərini əhatə edən güclü müddəalar daxil olduğunu bildirən birinci katib bunun ölkəmizin konvensional beynəlxalq hüquq üzrə öhdəliklərini yerinə yetirmək öhdəliyini nümayiş etdirdiyini bildirib.

"Azərbaycan bütün ağır cinayətlərə qarşı cəzasızlıqla mübarizəyə çox böyük əhəmiyyət verir və ədaləti təmin etmək və təkrarlanmanın qarşısını almaq üçün güclü və effektiv beynəlxalq hüquqi mexanizmlərin zəruriliyini dərin və ağrılı şəkildə anlayır", - birinci katib vurğulayıb.

In its statement on agenda item 81 “Crimes against humanity” at the Sixth Committee, Azerbaijan emphasized that the prohibition of these crimes is a peremptory norm requiring that States investigate, prosecute and punish the perpetrators, and highlighted that any new normative… pic.twitter.com/viU2owi2i1

— Azerbaijan UN 🇦🇿 (@AzmissionUN) October 14, 2025