Ötən il Azərbaycan polad boru istehsalını 95 % artırıb

Ötən il Azərbaycanda 214,1 min ton polad boru istehsal edilib.

"Report" Dövlət Statistika Komitəsinə istinadən xəbər verir ki, bu, 2024-cü illə müqayisədə 95 % çoxdur.

Bu il yanvarın 1-nə olan vəziyyətə görə, sənaye müəssisələrinin anbarlarında 4,5 min ton hazır məhsul ehtiyatı olub.

2024-cü ildə Azərbaycanda 109,8 min ton polad boru istehsal edilib ki, bu da 2023-cü ilə nisbətən 62,3 % azdır.