"Azərxalça"nın 10 illik strateji inkişaf planı hazırlanır

"Azərxalça" ASC 10 illik strateji inkişaf planının hazırlanması ilə bağlı elan etdiyi açıq tenderə yekun vurub.

"Report" vahid dövlət satınalmaları portalına istinadən xəbər verir ki, tenderin qalibi “Davud Mamedov” MMC-dir.

Qalib şirkətə 18 957 manat ödəniləcək.

Xatırladaq ki, "Azərxalça" 2016-cı ildə yaradılıb, 100 % dövlətə məxsusdur. Onun nizamnamə kapitalı 15 milyon manat, 2018-ci ilin yekununda yığılmış zərəri isə 5 milyon manata yaxındır. Səhmdar cəmiyyəti 2019-cu ilin maliyyə göstəricilərini hələ açıqlamayıb.