“AzerGold” qızıl və gümüş hasilatını artırıb

2019-cu ildə “AzerGold” QSC-nin hasilat göstəriciləri 55 min unsiya qızıl və 103 min unsiya gümüş təşkil edib.

“Report”un “AzerGold”a istinadən verdiyi məlumata görə, bu göstərici 2018-ci illə müqayisədə 9,74 min unsiya (21,3%) qızıl və 25,74 min unsiya (33,2%) gümüş çoxdur.

2019-cu ildə “AzerGold” tərəfindən beynəlxalq bazarda 59,6 min unsiya qızıl və 110,9 min unsiya gümüş satılıb. Bu göstərici isə 2018-ci il ilə müqayisədə 14,6 min unsiya (33%) qızıl və 34,6 min unsiya (47%) gümüş çoxdur.