Azərbaycanda pambıq mahlıcı istehsalı 13 %-dən çox artıb

Bu ilin yanvar-fevral aylarında Azərbaycanda 30 min 654 ton pambıq mahlıcı istehsal edilib.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 13,2 % çoxdur.

Bu il martın 1-nə ölkədə 43 min 535 ton hazır məhsul ehtiyatı olub.

Xatırladaq ki, 2025-ci ildə Azərbaycanda 97 min ton pambıq mahlıcı istehsal edilib ki, bu da 2024-cü illə müqayisədə 33 % çoxdur.