Ömrü uzatmağın üsulu tapıldı

Az miqdarda bərk pendir yeməklə ömrü uzatmaq mümkündür.

“Report” xarici KİV-ə istinadən xəbər verir ki, belə bir qənaətə Texas Universitetinin tədqiqatçıları gəliblər.

Aparılan tədqiqatların nəticələrinə görə, çeddar, brie, parmezan növünə aid pendirdə mövcud olan spermidin adlı maddə damar təzyiqini azaldır, ürək çatışmazlığı və s. ürək-damar xəstəliklərinin də ehtimalını 40 faizədək azaldır.

Həmin maddənin həmçinin qaraciyərin zədələnmiş hüceyrələrinin çoxalmasını əngəlləməklə qaraciyər fibrozunun qarşısını aldığı da üzə çıxıb. Belə ki, spermidin maddəsinin yeməklərinə qatılmış heyvanların ömrü 25 faiz uzanıb.