Fransada rekord sayda insanda virus aşkarlandı

Son sutkada Fransada koronavirusa 60,4 mindən çox yeni yoluxma qeydə alınıb.

“Report” xarici mətbuata istinadən xəbər verir ki, bu barədə ölkənin səhiyyə xidmətləri məlumat yayıb.

Qeyd edilir ki, bu, pandemiya ərzində maksimal sutkalıq yoluxmadır.

Ölkədə rekord göstəricilər ardıcıl iki gündür aşkarlanır. Bir gün əvvəl COVID-19-a 58 min yeni yoluxma qeydə alınıb.

Ötən bir gündə Fransada koronavirusdan 828 insan ölüb.

Pandemiya ərzində Qərbi Avropanın bu ölkəsində COVID-19-a ümumilikdə 1,5 milyondan çox yoluxma qeydə alınıb, demək olar ki, 40 min pasiyent ölüb.