Türkiyədə fabrikdə 32 nəfər qazdan zəhərlənib - YENİLƏNİB

Türkiyənin Bartın şəhərində 1 000 işçinin çalışdığı kauçuk məmulatları fabrikinin 32 əməkdaşı yeni alınan avadanlığın qazından zəhərləniblər.

Bu barədə "Report" yerli mətbuata istinadən xəbər verir.

Məlumata görə, onlarda ürəkbulanma, qusma, başağrısı müşahidə olunub. Zərərçəkənlər təcili yardım və şəxsi avtomobillərlə şəhərdəki xəstəxanalara çatdırılıblar. Onlardan 26-sı tibbi müdaxilələrdən sonra buraxılıb.

Qeyd edilir ki, hazırda altı işçinin müalicəsi davam edir.

Hadisə ilə bağlı araşdırmalara başlanılıb.

02 oktyabr, 23:50

Türkiyənin Bartın şəhərindəki fabriklərin birində kütləvi zəhərlənmə olub.

"Report" xəbər verir ki, bu barədə "Haber Global" məlumat yayıb.

Məlumata görə, fabrikdə çalışan 14 işçi yeni quraşdırılmış maşından çıxan tüstüdən zəhərləniblər.

Onlarda ürəkbulanma, qusma, baş ağrısı qeydə alınıb.

Zəhərlənənlər xəstəxanaya yerləşdiriliblər. Vəziyyətlərinin yaxşı olduğu bildirilir.

Hadisə ilə bağlı araşdırma başladılıb.