"QazaqGaz" Qazaxıstanın qərbində yeni sahədə geoloji kəşfiyyat üçün müqavilə imzalayıb

Qazaxıstanın milli qaz şirkəti "QazaqGaz" Qərbi Qazaxıstan vilayətində perspektivli "Saralcın" sahəsində geoloji kəşfiyyat işlərinin aparılması üçün müqavilə imzalayıb.

"Report"un "QazaqGaz"a istinadən məlumatına görə, sənədi şirkətin kəşfiyyat və hasilat üzrə idarə heyətinin sədrinin müavini Asıljan Dauletov və Qazaxıstanın energetika nazirinin müavini Yerlan Akbarov imzalayıb.

"Saralcın" sahəsi yeni karbohidrogen yataqlarının kəşfi üçün yüksək potensiala malikdir.

"Müqavilə tam geoloji kəşfiyyat tədbirlər kompleksinin həyata keçirilməsini nəzərdə tutur. Buraya seysmik kəşfiyyat, axtarış-kəşfiyyat quyularının qazılması, əldə edilmiş məlumatların təhlili və s. daxildir", - şirkətdən bildirilib.