Mirzoyan Kallasla regional kommunikasiya proqramlarının reallaşmasını müzakirə edib

Ermənistan xarici işlər naziri Ararat Mirzoyan Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallasla görüşüb.

"Report"un Ermənistan Xarici İşlər Nazirliyinə istinadən verdiyi məlumata görə, görüş Nyu-Yorkda BMT Baş Assambleyasının 80-ci sessiyası çərçivəsində baş tutub.

Müzakirələr zamanı tərəflər Ermənistan və Aİ arasında qarşılıqlı maraq sahələrinin geniş spektrini əhatə edən tərəfdaşlığın dinamik inkişafını qeyd ediblər.

Məlumata görə, A.Mirzoyan və K.Kallas regional sabitliyin möhkəmləndirilməsində və sülhün təmin edilməsində mühüm rol oynayan beynəlxalq kommunikasiya proqramlarının həyata keçirilməsinə dair məsələləri nəzərdən keçiriblər.