İrəvanda müxalif nəşrin əməkdaşı saxlanılıb

Ermənistanın hüquq-mühafizə orqanları müxalif "Antifake" nəşrinin jurnalisti David Fidanyanı saxlayıblar.

"Report"un Ermənistan KİV-inə istinadən verdiyi məlumata görə, bu barədə vəkil Ruben Melikyan sosial şəbəkələrdə bildirib.

O, ədalət mühakiməsinə maneə törətməkdə ittiham olunur. Güc strukturları nəşrin ofisində axtarış aparıb və texniki avadanlıqları müsadirə ediblər.

Bundan əvvəl "İmnemnimi" podkastının müəllifləri Vazgen Saqatelyan və Narek Samsonyan saxlanılmışdı. Sonuncu "Antifake" nəşrinin təsisçilərindən biridir. V.Saqatelyan və N.Samsonyan parlament spikeri Alen Simonyanın müraciəti əsasında xuliqanlıqda ittiham olunaraq saxlanılıblar.