İran Fars körfəzində xarici ölkə gəmisini saxlayıb

İran çərşənbə günü Fars körfəzində, Farsi adası yaxınlığında ərəb ölkələrinə qaçaqmalçılıq yolu ilə yanacaq daşıyan xarici ölkəyə məxsus gəmini saxlayıb.

“Report” xəbər verir ki, bu barədə bazar günü İslam İnqilabı Keşikçiləri Korpusuna istinadən "Al-Mayadeen" telekanalı öz "Telegram" kanalında məlumat yayıb.

Bildirilir ki, gəmidə 700 min litr qaçaqmal yanacağı olub. Hazırda 7 əcnəbi dənizçi saxlanılıb.