Gürcüstanda son sutkada koronavirusdan 28 nəfər ölüb

Gürcüstanda son sutkada daha 1 791 nəfərə koronavirus diaqnozu qoyulub, 2 413 nəfər sağalaraq evə buraxılıb, 28 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19-a ümumi yoluxma göstəricisi 40 727-yə, sağalanların sayı 25 104-ə, vəfat edənlərin sayı isə 335-ə çatıb.

Karantin rejimində olanların sayı 3 007, stasionar nəzarətdə saxlanılanların sayı isə 4 188 nəfər təşkil edir. 2 204 asimptomatik xəstə isə xüsusi otellərdə tibbi nəzarətə alınıb.