Gürcüstanda koronavirusdan ölənlərin sayı 6 mini keçib

Gürcüstanda ötən sutkada daha 3 780 nəfərdə koronavirus aşkarlanıb, 2 052 nəfər müalicə olunaraq sağalıb.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Son 24 saat ərzində 30 ölüm faktı qeydə alınıb.

İndiyədək qonşu ölkədə COVID-19 infeksiyasına 440 353 nəfər yoluxub. Onların 395 505-i sağalıb, 6 016-sı vəfat edib.