Gürcüstanda Hindistan ştammı aşkarlandı

Gürcüstanda koronavirusun Hindistan ştammına yoluxma halları təsdiqlənib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Qeyd olunub ki, COVID-19-un təhlükəli növünün aşkarlandığı 5 şəxs Gürcüstana müxtəlif tarixlərdə daxil olublar. Müxtəlif ölkə vətəndaşları olan həmin şəxslərin 3-ü artıq ölkəni tərk edib.

Yerdə qalanlar təcrid olunub, vəziyyətləri qənaətbəxş qiymətləndirilir.