Gürcüstanda daha 359 nəfərdə koronavirus aşkarlanıb

Gürcüstanda son sutkada daha 359 nəfərin koronavirusa yoluxduğu müəyyən edilib, 526 nəfər sağalaraq evə buraxılıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19-a yoluxanların ümumi sayı 288 755-ə, sağalanların sayı isə 277 829-a çatıb.

Son 24 saat ərzində xəstəlikdən daha 6 pasiyent vəfat edib və ümumi ölüm sayı 3 883 olub.