Gürcüstan DİN ATƏT sədrini təxminən 2 min dollar cərimələyib

Gürcüstan Daxili İşlər Nazirliyi (DİN) Finlandiyanın xarici işlər naziri və ATƏT-in fəaliyyətdə olan sədri Elina Valtoneni 14 oktyabr tarixində etiraz aksiyası zamanı yolu qanunsuz bağladığına görə 5 min lari (1,8 min dollardan çox) cərimələyib.

"Report"un məlumatına görə, bu barədə Gürcüstan KİV-ləri xəbər verir.

Gürcüstan qanunvericiliyinə görə, aksiya iştirakçılarının sayı yolu təbii şəkildə bağlamaq üçün kifayət deyilsə, avtomobillərin hərəkətinə maneə yaratmaq cərimə ilə cəzalandırılır.

Hələlik Valtonenə inzibati xəta protokolunun təqdim edilib-edilmədiyi və onun Gürcüstandan çıxmazdan əvvəl cəriməni ödəyib-ödəmədiyi məlum deyil.