Belarus Polşa və Litva sərhədində hərbi təlimlərə başlayıb

Belarus Silahlı Qüvvələri Polşa və Litva sərhədində hərbi təlimlərə başlayıb.

“Report” xəbər verir ki, bu barədə Belarus Müdafiə Nazirliyindən bildirilib.

Qeyd olunub ki, hazırlıqlar çərçivəsində xüsusilə PUA-ların tətbiqi ilə bağlı təcrübə qazanılır.

Bundan başqa, tank və motoatıcı birləşmələr də təlimlərdə iştirak edirlər.

Xatırladaq ki, bundan əvvəl Polşa və Litva “Vaqner” Xüsusi Hərbi Şirkətinin ehtimal edilən təxribatı səbəbindən Belarusla sərhədi bağlaya biləcəyini bildirmişdi.