Ermənilərin Goranboya atdığı mərmi evi yararsız hala salıb

Goranboy rayonunun Tapqaraqoyunlu kəndinə düşən mərmi fərdi evi dağıdıb.

"Report"un Qərb Mərkəzinin məlumatına görə, Ermənistan silahlı qüvvələri tərəfindən Tapqaraqoyunlu kəndi atəşə tutulub.

Mərmilərdən biri kənd sakinlərindən birinə məxsus fərdi yaşayış evinə düşüb. Nəticədə ev yanaraq tamamilə yararsız hala düşüb. 

Qeyd edək ki, həmin bölgədə düşmən təxribatı davam edir və Azərbaycan Ordusu tərəfindən düşmənə layiqli cavab verilir.