Ötən il 7 telekanala xəbərdarlıq edilib

Ötən il Azərbaycanda 7 telekanala xəbərdarlıq edilib, 4 telekanalın yayımının müvəqqəti dayandırılması barədə qərar qəbul olunub.

Bu barədə "Report"un sorğusuna cavab olaraq Audiovizual Şuradan bildirilib.

Məlumatda həmçinin vurğulanıb ki, ötən il "MTV" kanalının aid olduğu "Muz TV Azərbaycan" MMC-nin 3 000 manatdan 4 000 manatadək məbləğdə cərimələnməsi ilə bağlı protokol tərtib edilib.

Bundan başqa, keçən il "Media haqqında" qanunun tələblərini yerinə yetirmədiyinə görə 11 operatorla bağlı inzibati cərimə protokolu tərtib olunaraq müvafiq məhkəmələrə göndərilib. Məhkəmələrin qərarına əsasən, operatorların hər biri 5 000 manat cərimələnib.