Drumeva: IV Şuşa Qlobal Media Forumunun mövzusu çox vacibdir

Builki IV Şuşa Qlobal Media Forumunun "Sülhün təşviqində medianın missiyası: Həqiqətin bərpası və etimadın yenidən qurulması" adlı mövzusu çox vacibdir.

Bunu "Report"a açıqlamasında forumunun iştirakçısı, Bolqarıstan Teleqraf Agentliyinin (BTA) direktor müavini Yevgenia Drumeva deyib.

Onun sözlərinə görə, bundan əvvəl də o, Şuşa Media Forumunda iştirak edib:

"Bu gün mən Qarabağa yenidən səfər etmişəm. İndi bura tamamilə fərqlidir. Biz Şuşada Qarabağ küçəsində olduq. Bura, binalar, yenidənqurma və bərpa işləri möhtəşəmdir".

Y. Drumeva IV Şuşa Qlobal Media Forumunun builki mövzusunun mühüm önəm daşıdığını diqqətə çatdırıb:

"Çox vacib mövzudur. Ümid edirəm ki, forumda biz maraqlı fikirlər, çıxışlar eşidəcəyik".