Bir qrup gürcü jurnalist Gəncəyə səfər edib

Gürcüstandan olan bir qrup jurnalist Gəncə şəhərində səfərdədir.

"Report"un Qərb Mərkəzinin məlumatına görə, onlar Vətən müharibəsi zamanı Ermənistan Silahlı Qüvvələri tərəfindən Gəncə şəhərində törədilən terror hadisələrinin baş verdiyi ərazilərə baş çəkiblər.

Dünyasını dəyişənlərin xatirəsinə ehtiram əlaməti olaraq dağıntılar baş verən əraziyə güllər düzüblər. Burada yaşanan acı hadisələrlə yerində tanış olublar.

Qeyd edək ki, gürcü jurnalistlər bundan əvvəl Ağdam və Şuşada olublar.