​Nyu-Yorkda hərraca 20 milyonluq iki sikkə çıxarılır

Bakı. 9 mart. REPORT.AZ/ Nyu-Yorkda iki nadir sikkə hərraca çıxarılır.

"Report" "TASS"a istinadən xəbər verir ki, tədbiri "Steks Bowers gelleriz" və "Sotheby's" hərrac evi təşkil edir.

Məlumata görə, onların ilkin qiyməti azı 10 milyon dollardır.

5 dollarlıq qızıl sikkə 1822-ci, gümüşdən olan digər 5 dollarlıq sikkə isə 1804-cü ildə hazırlanıb. Hər iki pul Texasdan olan Meka Poq və onun oğlu Di Brentin şəxsi kolleksiyasına daxildir.

İndiyədək hərracda ən bahalı sikkə 10 milyon dollara satılıb. Həmin pul 1794-cü ildə düzəldilib.