Bakı 11° C
SOCAR-ın istiqrazları listinqə qəbul edilib
- 19 sentyabr, 2016
- 13:59
Bakı Fond Birjasının (BFB) Listinq Komitəsinin qərarı ilə Azərbaycan Dövlət Neft Şirkətinin (SOCAR) istiqrazları əsas bazar seqmentində listinqə daxil edilib.
"Report"un BFB-ya istinadən verdiyi xəbərə görə, gözlənildiyi kimi ticarətə ilkin qiyməti 1000 ABŞ dolları olmaqla 100 000 ədəd istiqraz buraxılıb. Emissiyanın anderrayteri qismində “PSG-Kapital İnvestisiya Şirkəti” QSC çıxış edir.
| № | Döv. Qeyd. nömrəsi | Q/k növü və forması | Emitent | Ticarətə buraxılan qiymətli kağızların sayı | Q/k-ın ilkin ticarət qiyməti | Bazar seqmenti | Anderrayter |
| 1 | AZ2001019895 | faizli sənədsiz adlı təmin edilməmiş istiqraz | “Azərbaycan Respublikasının Dövlət Neft Şirkəti” | 100 000 (ədəd) | 1000 ABŞ dolları | Əsas bazar | “PSG-Kapital İnvestisiya Şirkəti” QSC |
İstiqrazların tədavül müddəti 5 il, illik faiz dərəcəsi 5%, faiz ödənişi dövrü 3 aydır.
SOCAR istiqrazları ilk dəfə olaraq Azərbaycanda – BFB-də yerləşdiriləcək. Qiymətli kağızların fond bazarına kütləvi təklifi ilk dəfə olaraq abunə yazılışı üsulu ilə həyata keçiriləcək. Abunə yazılışı 20 sentyabr – 10 oktyabr 2016-cı il tarixlərində, istiqrazların yerləşdirilməsi isə 13-14 oktyabr 2016-cı il tarixlərində BFB-də baş tutacaq.
Abunə yazılışı və yerləşdirilmə qiymətli kağızların ticarəti, ticarət sonrası əməliyytaları və bazara nəzarəti üzrə vahid platforma olan Azərbaycan Mərkəzləşmiş Birja Ticarət Sistemi (CETA) üzərindən həyata keçiriləcək.
Müəllif
