“İDK” BOKT ötən ili zərərlə başa vurub

“İDK” MMC bank olmayan kredit təşkilatı (BOKT) 2020-ci ili 164 min manat zərələ baş vurub. Halbuki, BOKT 2019-cu ildən 186 min manat xalis mənfəətlə çıxmışdı.

“Report” xəbər verir ki, bu il yanvarın 1-nə “İDK”nın aktivləri 1,668 milyon manat olub ki, bu da, illik müqayisədə 12,4% azdır. Bunun 1,192 milyon manatı müştərilərə verilmiş xalis kresditlərdir. 2020-ci ildə BOKT-un kredit portfeli 14,6% böyüyüb.

Hesabat dövründə “İDK”nın öhdəlikləri 40,9% azalaraq 104 min manata, balans kapitalı isə 9,5% azalaraq 1,565 milyon manata düşüb.

Xatırladaq ki, “İDK” 2011-ci ildə yaradılıb. Onun nizamnamə kapitalı 700 min manatdır. BOKT-un təsisçisi 100% Əliyar Əsgərovdur.