“Fintrend” BOKT ötən ili zərərlə başa vurub

“Fintrend” MMC bank olmayan kredit təşkilatı (BOKT) 2020-ci ili 126 min manat zərərlə başa vurub.

“Report” xəbər verir ki, bu il yanvarın 1-nə “Fintrend”in aktivləri 1,153 milyon manat olub. Bunun 563 min manatı müştərilərə verilmiş xalis kreditlərdir.

Hesabat tarixinə “Fintrend”in öhdəlikləri 900 min manat, balans kapitalı isə 253 min manat təşkil edib.

Xatırladaq ki, “Fintrend” 2014-cü ildə yaradılıb. Onun nizamnamə kapitalı 300 min manatdır. BOKT-un təsisçiləri 54%-lik payla Erkin Əsədov, 26%-Iik payla Nərmin Hüseynzadə və 20%-lik payla Kənan Salayevdir.