Fərid Osmanov: "Təmassız kartlarla ödənişlərin həcmi 4 dəfə artıb"

Azərbaycanda nağdsız ödənişlərin dəyəri açıqlanıb.

Cari ilin mayın 1- ə qədər ölkədə dövriyyədə olan bank kartların sayı 10,3 milyona çatıb.

"Report" xəbər verir ki, bu sözləri Azərbaycan Mərkəzi Bankının icraçı direktoru Fərid Osmanov deyib.

O bildirib ki, bu kartlarla nağdsız ödənişlərin həcmi ötən dövrlə müqayisədə 52 % artaraq 2,8 milyard manata yaxınlaşıb:"Hazırda dövriyyədə olan 10 milyon kartın 50 %-i, yəni 5 milyonu təmassız funksiyanallığı olan kartlardır. Ötən ilin müvafiq dövrlə müqayisədə təmassız kartların sayı 2,7 dəfə artıb. Təmassız kartlarla aparılan ödənişlərin həcmində və sayında 2019-cu ilin müvafiq ayları ilə müqayisədə 4 və 6 dəfə artım müşahidə edilib".