Dövlət Gömrük Komitəsinin xətti ilə büdcə daxilolmaları 4 %-dən çox azalıb

Bu ilin yanvar-noyabr aylarında Dövlət Gömrük Komitəsinin (DGK) xətti ilə dövlət büdcəsinə daxilolmalar 5 milyard 752,2 milyon manat təşkil edib.

"Report" bu barədə Maliyyə Nazirliyinə istinadən xəbər verir.

Məlumata görə, bu, ötən ilin eyni dövrü ilə müqayisədə 4,2 % azdır.

Gömrük daxilolmaları proqnozdan 3,4 % az icra edilib.

Xatırladaq ki, bu il DGK büdcəyə 6,6 milyard manat vəsait köçürməlidir. Beləliklə, 11 ay ərzində həmin məbləğin 87,15 %-i təmin olunub.