Bakı 25° C
Azərbaycanın valyuta ehtiyatları son 1 ildə cüzi artıb
- 23 yanvar, 2021
- 05:11
Azərbaycanın valyuta ehtiyatları bu il yanvarın 1-nə 49 mlrd 933,7 mln ABŞ dolları təşkil edib.
“Report” xəbər verir ki, bunun 87,2 %-i və yaxud 43 mlrd 564,3 mln ABŞ dolları Dövlət Neft Fondunun (ARDNF), 12,8 %-i və yaxud 6 mlrd 369,4 mln ABŞ dolları isə Azərbaycan Mərkəzi Bankının (AMB) payına düşüb.
Ötən ilin IV rübündə ölkənin valyuta ehtiyatları 153,7 milyon ABŞ dolları və yaxud 0,3 % artıb. Belə ki, ARDNF-in valyuta ehtiyatlarında 275,7 milyon ABŞ dolları və yaxud 0,6 % çox, AMB-nin valyuta ehtiyatlarında isə 122 milyon ABŞ dolları və yaxud 1,9 % azalma olub.
Son 1 ildə isə ölkənin valyuta ehtiyatları 352,4 milyon ABŞ dolları və yaxud 0,7 % artıb. İl ərzində ARDNF-nin valyuta ehtiyatları 241 milyon ABŞ dolları və yaxud 0,6 % çox, AMB-nin valyuta ehtiyatları isə 111,4 milyon ABŞ dolları və yaxud 1,8 % artım nümayiş etdirib.
| ARDNF-nin valyuta ehtiyatları (milyon ABŞ dolları) | AMB-nin valyuta ehtiyatları (milyon ABŞ dolları) | Azərbaycanın valyuta ehtiyatları (milyon ABŞ dolları) | |
| 01.01.2021 | 43 564,3 | 6 369,4 | 49 933,7 |
| 01.10.2020 | 43 288,6 | 6 491,4 | 49 780,0 |
| 01.07.2020 | 43 223,3 | 6 436,3 | 49 659,6 |
| 01.04.2020 | 41 349,5 | 6 393,8 | 47 743,3 |
| 01.01.2020 | 43 323,3 | 6 258,0 | 49 581,3 |
Müəllif
Rus Versiası 
İngilis Versiası