Azərbaycanda təmassız ödənişlər üzrə limit 2 dəfə artırılıb

Azərbaycan Mərkəzi Bankı (AMB) “Ödəniş kartlarının emissiyası və istifadə Qaydaları”na dəyişiklik edib.

“Report” xəbər verir ki, dəyişikliyin məqsədi “2018–2020-ci illərdə rəqəmsal ödənişlərin genişləndirilməsi üzrə Dövlət Proqramı”na uyğun olaraq innovativ ödəniş həllərini özündə ehtiva edən rəqəmsal ekosistemin yaradılması istiqamətində görülən işlərin davamı olaraq ödəniş kartları ilə əməliyyatlarda təmassız ödənişlərin daha da genişləndirilməsidir.

Dəyişikliyə əsasən, təmassız ödənişlər üzrə limit 2 dəfə artırılaraq 50 manatdan 100 manata çatdırılıb.