ANAMA sığortaçı seçir

Azərbaycan Respublikası Minatəmizləmə Agentliyi (ANAMA) işçilərin tibbi və fərdi qəza sığortası xidmətləri ilə bağlı açıq tender elan edib.

“Report” xəbər verir ki, tenderdə iştirak haqqı 600 manat təşkil edir.

İddiaçılar ilkin sənədləri martın 13-ü, saat 15:00-a qədər, tender təklifi və onun dəyərinin 1 %-i qədər bank təminatını isə martın 28-i, saat 18:00-a qədər qurumun Bakı şəhəri, İbrahimpaşa Dadaşov küçəsi, 260 ünvanında yerləşən inzibati binasına təqdim edə bilərlər.

Təkliflərə martın 29-u, saat 15:00-da qeyd olunan ünvanda baxılacaq.