Avroliqada hər mövsüm eyni komandalar iştirak edə bilər

Basketbol üzrə Avroliqa 2023/2024 mövsümündən etibarən qapalı turnirə çevrilə bilər.

"Report" "Mundo Deportivo" nəşrinə istinadən xəbər verir ki, yarış rəhbərliyi artıq bu layihənin icrası ilə bağlı işlərə başlayıb.

İddiaya görə, bütün turnir iştirakçılarının yarışa qatılmaq üçün uzunmüddətli lisenziyaları olacaq. Avrokuboklar artıq Avroliqaya keçmək imkanı verməyəcək.

Avroliqadakı 11 səhmdar klubun hamısı bu ideyanı həyata keçirməkdə maraqlıdır.