NBA-da oynamış basketbolçu 54 yaşında vəfat edib

Milli Basketbol Assosiasiyasında (NBA) oynamış amerikalı Rodni Rocers 54 yaşında vəfat edib.

"Report" xəbər verir ki, bu barədə idmançının sabiq klubu "Bruklin Nets"in mətbuat xidməti məlumat yayıb.

Basketbolçu 2008-ci ilin noyabrında motosikletlə qəzaya uğramışdı. O, hadisədən sonra tamamilə iflic olmuşdu.

Qeyd edək ki, 1999/2000 mövsümünün ən yaxşısı seçilmiş idmançı peşəkar karyerası ərzində "Denver", "Los Anceles Klippers", "Finiks", "Boston Seltiks", "Nyu-Cersi Nets", "Nyu-Orlean Pelikans" və "Filadelfiya" kimi komandalarda oynayıb. O, 2002/2003 mövsümündə "Nyu-Cersi Nets"in heyətində NBA-nın finalında oynayıb.