"Qazaxıstan Dəmir Yolu": Azərbaycanla yük daşımaları kəskin artıb

Son 4 ildə Qazaxıstan və Azərbaycan arasında yük daşımaları 7 dəfə artıb.

"Report" xəbər verir ki, bunu jurnalistlərə açıqlamasında "Qazaxıstan Dəmir Yolu" Milli Şirkətinin İdarə Heyətinin sədri Tarqat Aldıbergenov bildirib.

Onun sözlərinə görə, təkcə 2025-ci ilin 10 ayında daşımaların həcmi 4,1 milyon ton təşkil edib ki, bu da marşrut üzrə davamlı artımı təsdiqləyir.

Sədr əlavə edib ki, son 4 ildə Qazaxıstandan Azərbaycana təkcə taxıl daşımaları 25 dəfə artıb və bu ilin 10 ayında 600 min ton təşkil edib.