Gəncə-Qəbələ-Gəncə qatarının hərəkət cədvəli açıqlanıb

"Azərbaycan Dəmir Yolları" QSC yanvarın 12-dən etibarən istifadəyə veriləcək Gəncə-Qəbələ-Gəncə qatarının hərəkət qrafikini açıqlayıb.

"Report" səhmdar cəmiyyətinə istinadən xəbər verir ki, qatar hər gün hərəkətdə olacaq.

Sərnişinlər ümumi uzunluğu 139 kilometr olan marşrut üzrə Goran, Yevlax, Ləki və Ağdaş stansiya və dayanacaqlarından da istifadə edə biləcəklər.

Qatarlarda standart, standart+, biznes və birinci siniflər üzrə səyahət imkanları təklif olunacaq. Biletlərin minimal qiyməti Gəncə-Qəbələ istiqamətində 4,3 manat, Ləki–Qəbələ istiqamətində isə 1,7 manat təşkil edəcək.

Hərəkət cədvəlini təqdim edirik: