Azərbaycanda Vətən müharibəsi zamanı zərər çəkmiş evlərin təmiri başlayır

Dövlət Şəhərsalma və Arxitektura Komitəsi Vətən müharibəsi zamanı Gəncə və Mingəçevir şəhərlərində, eləcə də Ağdam, Ağcabədi, Beyləqan, Bərdə, Cəbrayıl, Füzuli, Goranboy, Naftalan və Tərtər rayonlarında dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evlərinin, qeyri-yaşayış obyektlərinin təmir, bərpa və tikintisi üçün 5 təkliflər sorğusu elan edib.

“Report” xəbər verir ki, sorğuda iştirak etmək istəyənlər təkliflərini aprelin 2-si saat 12:00-a qədər Komitənin yerləşdiyi Bakı şəhəri, Nəsimi rayonu, Füzuli küçəsi, 65 ünvanına təqdim edə bilərlər.