Ziyabəddin Hüseynov Elektronlaşdırma və Nəzarət Mərkəzinə direktor təyin olunub

Ziyabəddin Hüseynov Sahibkarlıq Subyektlərinin Elektronlaşdırılması və Sanitar Nəzarət Mərkəzinə direktor vəzifəsinə təyin olunub.

Mərkəzin fəaliyyəti sahibkarlıq subyektlərinin daha şəffaf və səmərəli iş rejiminin yaradılması üçün Elektron QR məlumatlandırma sisteminin qurulması və nəzarətinin aparılmasını təmin etməkdir. Bu platformada yoxlama-nəzarət tədbirləri zamanı və müştəri şikayətləri olduqda tələb olunan bütün məlumatların bir elektron mərkəzdə toplanaraq əlçatanlığının təmin edilməsi mümkün olacaq.

Qeyd edək ki, bir neçə gün öncə Azərbaycan Qida Təhlükəsizliyi İnstitutunun Xidmətlərin təşkili departamentinin direktoru Ziyabəddin Hüseynov öz ərizəsi ilə işdən çıxıb.