Azərbaycanda daha bir dövlət müəssisəsi startaplara dəstək verəcək

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “AzinTelekom” MMC ölkədə potensialı olan startaplara bizneslərini etibarlı və davamlı şəkildə böyütməyə əlverişli imkan yaratmaq məqsədilə, təmənnasız bulud xidmətləri təqdim edərək "AZCLOUD ScaleUp" proqramını başladıb.

Bu barədə "Report"a qurumdan məlumat verilib.

Məlumata görə, proqram çərçivəsində 7 prioritet sahə - aqrar, təhsil, tibb, ağıllı ölkə, ekologiya, oyun və onlayn ticarət - üzrə layihələrə dəstək göstəriləcək.