Ucarda ağır yol qəzasında xəsarət alanlar Bakıya gətirilib

Ucar rayonunda baş vermiş ağır yol qəzasında xəsarət almış iki yaralı müalicəsini davam etdirmək üçün Bakıya gətirilib.

“Report” xəbər verir ki, 1994-cü il təvəllüdlü Tahizadə Oruc Mahir oğlu və həmyaşıdı Qüdrətov Qaraxan Mənsur oğlunun müalicələri paytaxtdakı xəstəxanalardan birində davam etdiriləcək. Müayinə zamanı O.Tahirzadəyə sağ qolun yerdəyişən qəlpəli sınıqları, Q.Qüdrətova isə qapalı kəllə-beyin travması və baş beyin əziyi diaqnozları qoyulub.

Qeyd edək ki, hər iki şəxs iki avtomobilin toqquşması zamanı xəsarət alıb.