Şəmkirdə yol qəzasında xəsarət alanların vəziyyətləri açıqlanıb - YENİLƏNİB-2

Avqustun 31-də saat 00:40 radələrində Şəmkir rayonu ərazisində baş verən yol-nəqliyyat hadisəsi səbəbilə 3 nəfər (kişi cinsli) Şəmkir Rayon Mərkəzi Xəstəxanasının Təcili tibbi yardım şöbəsinə hospital olunub.

Bu barədə "Report"un Qərb bürosuna TƏBİB-dən bildirilib.

Qeyd olunub ki, 2007-ci il (2 nəfər) və 2010-cu il təvəllüdlü şəxslərə bədənin müxtəlif nahiyələrinin travmaları və açıq sınıqları diaqnozları təyin olunub və zəruri ilkin tibbi xidmət göstərilib.

2007-ci il təvəllüdlü şəxslərin vəziyyətləri orta ağır qiymətləndirilir, müalicələri Cərrahiyyə şöbəsində davam etdirilir.

Vəziyyəti stabil qiymətləndirilən 2010-cu il təvəllüdlü şəxsin müalicəsi Təcili tibbi yardım şöbəsində davam etdirilir.

08:35

Şəmkirdə yol qəzasında ölən və xəsarət alanların kimliyi məlum olub.

"Report"un Qərb bürosunun məlumatına görə, ölən şəxs Z.Səmədov, yaralılar isə 2008-ci il təvəllüdlü E. Cəbiyev, 2007-ci il təvəllüdlü E. Səfxanov və 2010-cu il təvəllüdlü R. Alıyevdir.

Faktla bağlı araşdırma aparılır.

07:20

Şəmkirdə avtomobil aşıb, ölən və xəsarət alanlar var.

"Report"un Qərb bürosunun məlumatına görə, rayon ərazisində avtomobilin idarəetmədən çıxaraq aşması nəticəsində 1 nəfər ölüb, daha 3 nəfər xəsarət alıb.

Yaralılar müxtəlif dərəcəli bədən xəsarətləri ilə xəstəxanaya yerləşdirilib. 

Faktla bağlı araşdırma aparılır.